Жария оферта

1. Жалпы ережелер

Осы жария оферта (бұдан әрі — «Оферта») Алматы және Астана қалалары арасында жүк тасымалдау қызметтерін көрсететін SPlogistics компаниясы (бұдан әрі — «Орындаушы») мен жеке немесе заңды тұлғалар (бұдан әрі — «Тапсырыс беруші») арасындағы шарттарды анықтайды.

Офертаға акцепт — жүктің Орындаушыға тапсырылуы және қабылдау квитанциясының алынуы. Офертаны акцептеген сәттен бастап тараптар осы құжатта көрсетілген шарттар бойынша жүк тасымалдау туралы шарт жасасқан болып есептеледі.

2. Шарттың пәні

Орындаушы Алматы қаласынан Астана қаласына дейін жүк тасымалдау қызметін көрсетуге, ал Тапсырыс беруші қызмет үшін төлем жасауға және нәтижесін қабылдауға міндеттенеді.

Қызметтер құрамына мыналар кіреді:

• Алматы қаласында жүктi қабылдап, квитанция беру
• Жүктi Алматыдан Астанаға тасымалдау
• Жүктi 2 (екі) жұмыс күні ішінде Астана қаласына жеткізу
• Жүктi квитанция көрсетіліп, қызметтер төленгеннен кейін алушыға беру

3. Қызмет көрсету тәртібі

3.1. Алматы қаласында жүктi қабылдау:

• Тапсырыс беруші жүктi Алматыдағы қабылдау пунктіне тапсырады
• Орындаушы жүктiң КОД-ы көрсетілген қабылдау квитанциясын береді
• Тапсырыс беруші квитанцияны алушыға ыңғайлы тәсілмен (мессенджер, e-mail және т.б.) жібереді

3.2. Жүктi тасымалдау:

• Жүк Алматыдан Астанаға 2 (екі) жұмыс күні ішінде жеткізіледі
• Форс-мажор жағдайында жеткізу мерзімі ұзаруы мүмкін
• Орындаушы жүктiң келуі туралы Telegram арнасы арқылы хабарлайды
• Жіберуші телефон нөмірін көрсеткен жағдайда қосымша WhatsApp хабарлама жіберіледі

3.3. Астана қаласында жүктi беру:

• Алушы кассада квитанция көрсетеді
• Касса қызмет ақысы туралы чек береді
• Алушы жүктi қарап, қабылдап алады
• Қажет болған жағдайда қосымша ақыға жүк тиеу қызметтері ұсынылады

4. Қызмет құны және есеп айырысу тәртібі

Жүк тасымалдау құны Орындаушының қолданыстағы тарифтеріне сәйкес айқындалады және мыналарға байланысты:

• Жүктiң салмағы мен габариттері
• Жүктiң түрі
• Қосымша қызметтер (орау, сақтандыру, жедел жеткізу)

Қызметтер үшін төлем Астана қаласында жүктi алу кезінде кассада алушы арқылы жүргізіледі. Қосымша қызметтер (тиеу, түсіру) қажет болған жағдайда құны бөлек есептеледі.

5. Тараптардың құқықтары мен міндеттері

5.1. Орындаушы міндеттенеді:

• Жүкті тасымалдау барысында оның сақталуын қамтамасыз ету
• Жүктi келісілген мерзімде жеткізу
• Жүктiң келуі туралы Telegram арнасы арқылы хабарлау
• Жіберуші телефон нөмірін көрсеткен жағдайда WhatsApp хабарлама жіберу
• Квитанция көрсетіліп, қызмет ақысын төлегенде жүктi беру

5.2. Тапсырыс беруші/Алушы міндеттенеді:

• Жүк туралы шынайы ақпарат беру
• Қажет болған жағдайда WhatsApp хабарламалары үшін телефон нөмірін көрсету
• Қызметтер үшін толық көлемде төлем жасау
• Жүктi хабарлама алынған сәттен бастап 5 (бес) күн ішінде алу
• Жүктi алу кезінде түпнұсқа квитанцияны міндетті түрде көрсету
• Компанияның Telegram арнасындағы хабарламаларды бақылау
• Жүктi алғанға дейін квитанцияны сақтау

6. Тараптардың жауапкершілігі

Орындаушы жүктi қабылдаған сәттен оны алушыға бергенге дейін оның сақталуына жауап береді. Орындаушының кінәсінен жүк жоғалған немесе бүлінген жағдайда, құжатпен расталған құны өтеледі.

Орындаушы форс-мажор жағдайларынан туындаған жеткізу мерзімінің кешігуі үшін жауап бермейді, соның ішінде:

• Көлік құралының бұзылуы
• Қолайсыз ауа райы жағдайлары
• Жол-көлік оқиғалары
• Мемлекеттік органдардың әрекеттері
• Басқа да еңсерілмейтін күш мән-жайлары

7. Форс-мажор мән-жайлары

Тараптар міндеттемелердің ішінара немесе толық орындалмауы төтенше және еңсерілмейтін оқиғалардың салдарынан болса, жауаптылықтан босатылады; мұндай оқиғаларды тараптар алдын ала болжай да, болдырмай да алмайды.

8. Дауларды шешу

Осы Офертаны орындау кезінде туындайтын барлық даулар мен келіспеушіліктер келіссөздер арқылы шешіледі. Келісімге қол жеткізілмеген жағдайда, даулар Қазақстан Республикасының заңнамасына сәйкес Орындаушы орналасқан жердегі сотта қаралады.

9. Офертаның қолданылу мерзімі

Осы Оферта splogistics.kz сайтында жарияланған сәттен бастап күшіне енеді және Орындаушы оны кері қайтарғанға дейін әрекет етеді. Орындаушы Офертаның шарттарын 7 (жеті) күн бұрын хабарлай отырып, біржақты тәртіппен өзгертуге құқылы.

10. Байланыс ақпараты

11. Қорытынды ережелер

Осы Оферта Қазақстан Республикасының Азаматтық кодексіне, «Тұтынушылардың құқықтарын қорғау туралы» ҚР Заңына және өзге де нормативтік құқықтық актілерге сәйкес әзірленді.

Осы Офертаның шарттары мен Қазақстан Республикасының қолданыстағы заңнамасы арасында қайшылық болған жағдайда, Қазақстан Республикасының заңнамасы қолданылады.